प्रहरी कार्यालय
जिल्ला रुपन्देही बुटवल उप-महानगरपालिका-९ नयाँ बसपार्क भित्र अस्थाई प्रहरी बिट बसपार्कबाट खटिएको प्रहरी गस्ती टोलीले चेकजाँच गर्ने क्रममा जिल्ला उदयपुर त्रियुगा गा.वि.स. वडा न. ११ बस्ने वर्ष २७ को बिकु लामिछानेको साथमा रहेको निलो झोलामा नुफिन ३४ एम्पुल, फेनारागन ३४ एम्पुल, डाईजापाम ३४ एम्पुल लागू औषध बरामद गरी निजलाई नियन्त्रणमा लिई थप अनुसन्धान कार्य भईरहेको ।
अर्घाखाँची, १७ माघ सन्धिखर्क नगरपालिका-७ डिडाँडा बस्ने १९ वर्षीय रोशन शाहको करेन्ट लागेर सोमबार दिउँसो मृत्यु भएको छ । नेपाल विद्युत प्राविधिकरण अर्घाखाँची शाखाका अस्थाई (सेवा करार) प्राविधिक कर्मचारी शाहले भुमिकास्थान नगरपालिका-९ जलुकेपानस्थित नेपाल विद्युत प्राविधिकरणको ट्रान्समिटरको लाईन मर्मत गर्ने क्रममा करेन्ट लागेर गम्भीर घाइते भएका उनको जिल्ला अस्पताल अर्घाखाँचीमा उपचारको क्रममा मृत्यु भएको हो । यस सम्बन्धमा प्रहरीले थप अनुसन्धान गरिरहेको छ ।
१७ माघ,बर्दिया, बासगढी नगरपालिका-५ खनालचोकस्थित सडकमा भे.४ प ५१७६ नम्बरको मोटरसाइकल आफै अनियन्त्रित भई सोमबार राति दुर्घटना हुँदा चालक बाँके बैजनाथ गाउँपालिका-२ बस्ने ५६ वर्षीय भागीराम थारुको मृत्यु भएको छ । दुर्घटनामा गम्भीर घाइते भएका उनको मेडिकल कलेज कोहलपुरमा उपचारको क्रममा मृत्यु भएको हो । दुर्घटनाका सम्बन्धमा प्रहरीले थप अनुसन्धान गरिरहेको छ ।
लुम्बिनी प्रदेश प्रहरी कार्यालयको आयोजनामा मिति २०७९।१०।१२ गते जिल्ला दाङ, लमही नगरपालिका वडा नं. ४ मन्त्र होटलमा शान्ति सुरक्षा तथा बर्तमान अवस्थाको प्रस्तुतिकरण कार्यक्रम सम्पन्न भएको छ । उक्त कार्यक्रममा नेपाल प्रहरी प्रदेश कार्यालय भैरहवा, लुम्बिनी प्रदेश प्रहरी तालिम केन्द्र बुटवल, नेपाल प्रहरी विशेष सुरक्षा गण सुनवल, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय बुटवल, लुम्बिनी प्रदेश प्रहरी गण खजुरा बाँके र जिल्ला प्रहरी कार्यालय (१२) गरी १७ प्रहरी कार्यालयहरुले आफ्नो प्रस्तुतिकरण गर्नु भएको थियो । साथै, यस कार्यालयका कार्यालय प्रमुख प्र.ना.म.नि. टेक प्रसाद राई ज्यूले नि:शुल्क प्रहरी सेवा, नागरिक मैत्री प्रहरी, सम्बृद्धि सहितको सुशासन, तस्करी नियन्त्रण, भष्ट्राचारमा शुन्य सहनशिलता लगायतका विषयहरुलाई प्राथमिकतामा राखी सुधार गर्नका लागि आवश्यक सुझाव सहितको निर्देशन दिनुभयो ।
आज मिति २०७९।१०।११ गते यस लुम्बिनी प्रदेश प्रहरी कार्यालयको आयोजनामा पत्रकारसंग परिचयात्मक भेटघाट तथा अन्तरक्रिया कार्यक्रम सम्पन्न भयो । उक्त कार्यक्रममा छापा, रेडियो, टेलिभिजन, अनलाईन मिडियामा कार्यरत १९ जना संचारकर्मीहरु लगायत यस कार्यालयका प्र.ना.म.नि. टेक प्रसाद राई ज्यू, प्र.ब.उ. दिपक कुमार बस्नेत ज्युका साथै अन्य सिनियर प्रहरी अधिकृत, जुनियर प्रहरी अधिकृतहरुको उपस्थिति रहेको थियो । अन्तरक्रिया कार्यक्रममा पत्रकारहरुले समयमै सूचना प्रवाहलाई जोड दिनु पर्ने कुरा राख्नु भयो भने प्र.ना.म.नि. ज्यूले सूचना प्रवाहमा देखिएका समस्यालाई समाधान गरी समयमै सूचना प्रवाह गर्ने कुरामा प्रतिवद्धता व्यक्त गर्नु भयो ।
दाङ, माघ ४नवलपरासी(पश्चिम), बर्दघाट नगरपालिका-४ हरियाली बस्ती बस्ने ८० वर्षीयातारादेवी पराजुलीको आगोले जलेर मंगलबार दिउँसो मृत्यु भएको छ । आफ्नै घरमा आगोताप्ने क्रममा शरीरमा आगो सल्किएर जल्दा उनको घटनास्थलमै मृत्यु भएको हो ।
माघ ०२, अर्घाखाँचीअर्घाखाँची, शितगंगा नगरपालिका वडा नं. ३ खिब्दी बस्ने वर्ष ४८ की चेतकला आचार्यको रुखले च्यापी मृत्यु भएको छ । मिति २०७९।१०।०२ गते १६:४० बजे चेतकला आचार्य र ऐ-ऐ बस्ने बर्ष ६० को हिमलाल अधिकारीले आफ्नै बारिमा रहेको सालको रुख ढाल्ने क्रममा हावाको वेगले रुख एक्कासी निज चेतकला आचार्य माथि ढल्न गई रुखले च्यापि निजको घटनास्थलमा मृत्यु भएको हो ।
